68
ABŞ-ın Nyu-York ştatında səsvermə maşınlarında yaranan nasazlıq səbəbindən bülletenlərin bir hissəsinin sayılması təxirə salınıb.
Ucnoqta.az xəbər verir ki, bu barədə NBC News telekanalı məlumat yayıb.
Məlumata görə, Vestçester dairəsində seçki məntəqələrinin əməkdaşları səsvermə başa çatdıqdan dərhal sonra skan edilməmiş bülletenlərin emalına başlamamağı xahiş ediblər. Onlara bülletenlərin sayılmasına noyabrın 4-də, ABŞ-ın şərq sahili vaxtı ilə saat 11:00-dək (Bakı vaxtı ilə saat 20:00) başlamaq imkanı verilib.
NBC News qeyd edir ki, bu gecikmə Nümayəndələr Palatasında yer uğrunda mübarizə aparan hazırkı konqresmen Mayk Lavler və demokratların namizədi Keyt Konli arasındakı seçkinin nəticələrinin açıqlanmasını yubada bilər.