Türkiyə prezidenti Rəcəb Tayyib Ərdoğan gündə 5-6 saatdan çox yatmadığını və həmişə gecə saatlarına qədər işlədiyini bildirib.
Ucnoqta.az xəbər verir ki, bu barədə “Yeni Akit” qəzeti məlumat yayıb.
“Mən prezident kimi belə işləyirəm. Beş-altı saat yatıram. Bəzən gecə yarısı, bəzən gecə birdə evə gedirəm. Başqa cür edə bilmərəm”, – deyə o, Ankaradakı prezident kompleksində 108-ci ilçe qubernatorlarının səlahiyyət müddəti üçün püşkatma mərasimində bildirib.
Dövlət başçısının sözlərinə görə, Türkiyəni inkişaf etdirməyin yeganə yolu budur. O, həmçinin əlavə edib ki, ciddi iş qrafikinə əməl etməsən, nə xalqla möhkəm münasibət qura, nə də arxada miras qoya bilərsən.
“Ölkədə inzibati hakimiyyət yalnız iş vaxtı həyata keçirilə bilən peşə deyil. Sizdən ilin 365 günü, günün 24 saatı işləməyinizi gözləyirəm”, – Türkiyə lideri ölkə qubernatorlarına müraciət edərək vurğulayıb.
O qeyd edib ki, qubernatorların bayram və istirahət günləri yoxdur.