Futbol üzrə İspaniya milli komandasının hücumçusu Lamin Yamalın qolu son Avropa çempionatında ən yaxşısı kimi tanınıb.
Ucnoqta.az xəbər verir ki, müvafiq reytinq Avropa Futbol Assosiasiyaları İttifaqının (UEFA) saytında yerləşdirilib.
Yamalın qolu ispanların qələbəsi (2:1) ilə başa çatan fransalılarla yarımfinal matçında İspaniya yığmasına hesabı bərabərləşdirməyə imkan verib. Yamal Avropa çempionatında Fransa komandasına qarşı oyunda qol vuran ən gənc oyunçu oldu, forvard 16 yaş 362 günlük idi.
Başa çatan Avropa çempionatının ilk üç qoluna ingilis yarımmüdafiəçisi Cud Bellinqhemin Slovakiya yığması ilə 1/8 final oyununda vurduğu qol (əlavə vaxtdan sonra 2:1) də daxil edilib. Bellinqhemin zərbəsi ingilislərə oyunu əlavə vaxta göndərməyə imkan verdi.
Turnirin üçüncü ən yaxşı qolu qrup mərhələsinin 2-ci turunda şotlandlara qarşı isveçrəli futbolçu Xerdan Şaqirinin dəqiq zərbəsi (1:1) ilə tamamlayıb.
Reytinq UEFA-nın texniki müşahidəçiləri tərəfindən tərtib edilib.
