Səudiyyə Ərəbistanının “Əl-Hilal” futbol klubunun braziliyalı hücumçusu Neymar tərəfdaşlarına müqaviləsinin sonunda karyerasını Şimali Amerika Böyük Futbol Liqasının (MLS) “İnter Mayami” komandasında davam etdirəcəyini açıqlayıb.
Ucnoqta.az xəbər verir ki, bu barədə “Sky Sport” telekanalı məlumat yayıb.
Neymarın "Əl-Hilal"la müqaviləsi 2025-ci ilin iyun ayının sonuna kimidir.
"İnter Mayami"nin heyətində Neymarın İspaniya "Barselona"sındakı keçmiş komanda yoldaşları - Lionel Messi, Serxio Busquets, Luis Suares və Jordi Alba var. Komandanın baş məşqçisi "Barselona"nın keçmiş futbolçusu Xavyer Maskeranodur.