"Barselona" nın kapitanı Lionel Messi 2021-ci ilin yayında Kataloniya klubunu tərk etmək niyyətindədir.
Argentinalı bu arzusu barədə keçmiş komanda yoldaşı Neymara məlumat verib. "France Football" un məlumatına görə, ötən mövsüm Çempionlar Liqasının yarımfinal matçında "Liverpul" la oyunda məğlub olduqdan sonra argentinalı braziliyalıya məktub yazıb: "Dönməyini istəyirəm. İki ildən sonra ayrılacam. Sən tək qalacaqsan və mənim yerimi tutacaqsan. " El Mundo Deportivo-ya görə, bu mesajın həqiqiliyi şübhə doğurmur – argentinalı əvvəlcə 2020/21 mövsümünün sonunda Barselonanı tərk etmək niyyətində olduğunu etiraf etmişdi.
Qeyd edək ki, Messi 2005-ci ildən Kataloniya klubunun ilk komandasında çıxış edir. Ümumilikdə, argentinalı oyunçu 699 matç keçirib və 612 qol vuraraq “Barca” tarixinin ən yaxşı bombardiri olub.