UEFA Çempionlar Liqasının liqa mərhələsinin II turunda Azərbaycan təmsilçisi “Sabah” doğma meydanda Çexiyanın “Slaviya” klubunu məğlub edib.
Ucnoqta.az xəbər verir ki, Bakı Olimpiya Stadionunda keçirilən qarşılaşma təmsilçimizin 2:0 hesablı qələbəsi ilə yekunlaşıb.
Görüşdə hesabı 49-cu dəqiqədə Kahim Perris açıb. Coy Lens Mikels isə 88-ci dəqiqədə fərqi artıraraq komandasının qələbəsini rəsmiləşdirib.
Matçı avstriyalı hakimlər briqadası idarə edib. Baş hakim Sebastian Qişamer olub. Ona Roland Ridel və Santino Şrayner kömək ediblər. VAR hakimi Alan Kiyas, AVAR hakimi isə Yozef Şpurni olub.
Qeyd edək ki, ilk turda “Sabah” səfərdə İngiltərənin “Mançester Yunayted” klubuna 0:4 hesabı ilə uduzub. “Slaviya” isə öz meydanında Fransanın “Lans” komandasına 2:3 hesabı ilə məğlub olub.
UEFA Çempionlar Liqası
Liqa mərhələsi, II tur
13 oktyabr
“Sabah” (Azərbaycan) – “Slaviya” (Çexiya) – 2:0
Qollar: Kahim Perris, 49; Coy Lens Mikels, 88.
Stadion: Bakı Olimpiya Stadionu