33
Almaniyada anomal istilər səbəbindən Alp dağlarında yerləşən dağ evləri və turist sığınacaqları ciddi su qıtlığı ilə üzləşib. Bəzi sığınacaqlara içməli su artıq helikopterlə çatdırılır.
Ucnoqta.az xəbər verir ki, bu barədə Bild qəzeti məlumat yayıb.
Alman Alp Klubunun nümayəndəsi Yulian Ronun sözlərinə görə, təşkilatın xidmət göstərdiyi təxminən 320 dağ evi və turist sığınacağının demək olar ki, hamısında su çatışmazlığı müşahidə olunur.
Su qıtlığı səbəbindən bəzi sığınacaqlarda duş, yuyunma otaqları və adi tualetlər bağlanıb, onların yerinə quru tualetlər quraşdırılıb.
Turistlər içməli su üçün artıq ödəniş etməli olurlar. Bir litr suyun qiyməti 4 avroya qədər yüksəlib. Hər bir helikopter reysinin dəyəri isə təxminən 600 avro təşkil edir.