Çin Prezidenti Si Cinpin ABŞ Prezidenti Donald Trampla Ağ Evdə keçirilən görüş zamanı iki ölkə arasında münasibətlərin sabitləşdirilməsi üçün yüksək səviyyədə müntəzəm təmasları davam etdirməyə hazır olduğunu bildirib.
Ucnoqta.az xəbər verir ki, bu barədə Çin Mərkəzi Televiziyası məlumat yayıb.
Si Cinpin qeyd edib ki, dövlət başçılarının altı aydan az müddət ərzində qarşılıqlı səfərləri Çin-ABŞ münasibətləri tarixində presedenti olmayan hadisədir.
Çin lideri Donald Trampla müxtəlif kanallar vasitəsilə əlaqələri davam etdirməyə hazır olduğunu bildirib. Onun sözlərinə görə, tərəflər birgə səylərlə Çin-ABŞ münasibətlərinin daha sabit, sağlam və davamlı gələcəyini təmin edə bilərlər.
Si Cinpin həmçinin iki ölkə arasındakı əlaqələrin sabit inkişafı üçün liderlər səviyyəsində dialoqun davam etdirilməsinin vacibliyini vurğulayıb.