İsrail Qəzza zolağında HƏMAS tam tərksilah olunana qədər mövqelərini tərk etməyəcək.
Ucnoqta.az xəbər verir ki, bu barədə İsrailin Baş naziri Benyamin Netanyahu bildirib.
“Ölkəmizin təhlükəsizlik maraqlarını qətiyyətlə müdafiə edirəm. HƏMAS tam tərksilah olunana qədər Qəzzadakı hazırkı mövqelərimizdən geri çəkilməyəcəyik”, – deyə Netanyahu bildirib.
Onun sözlərinə görə, ABŞ Prezidenti Donald Tramp və komandası HƏMAS-ın tərksilah edilməsi və Qəzza zolağının demilitarizasiyasına nail ola biləcəklərini düşünür.
“Biz bu məsələni nəzərdən keçiririk. Onlar bizə layihə təqdim ediblər, lakin biz onunla razı deyilik və öz iradlarımızı göndərmişik”, – deyə İsrail hökumətinin başçısı qeyd edib.
Netanyahu əlavə edib ki, Qəzza zolağında xidmət edən İsrail hərbçilərinə özlərini, İsrail ərazisini və ölkə vətəndaşlarını qorumaq üçün zəruri hesab etdikləri bütün tədbirləri görmək tapşırılıb.