Həkimlər insanların çox vaxt əhəmiyyət vermədiyi bəzi gündəlik vərdişlərin sağlamlığa ciddi zərər vuraraq ömrü qısalda biləcəyini bildiriblər.
Ucnoqta.az xəbər verir ki, Daily Mail nəşrinin məlumatına görə, əsas risklər arasında yuxusuzluq, xroniki stress, hərəkətsiz həyat tərzi və məişətdə baş verən yıxılmalar yer alır.
Mütəxəssislər xüsusilə ev işləri zamanı nərdivandan ehtiyatsız istifadə nəticəsində baş verən ağır xəsarətlərin geniş yayıldığını vurğulayıblar. Onların sözlərinə görə, ev şəraitində nərdivandan yalnız qalxmaq üçün istifadə edilməli, uzunmüddətli işlər üçün isə daha təhlükəsiz avadanlıqlara üstünlük verilməlidir.
Həkimlər həmçinin qeyd ediblər ki, davamlı yuxu çatışmazlığı uzun illər ərzində sağlamlığa mənfi təsir göstərir, ürək-damar xəstəlikləri və digər ciddi problemlərin riskini artırır. Buna görə də keyfiyyətli yuxu, fiziki aktivlik və təhlükəsizlik qaydalarına əməl etmək uzunömürlülüyün əsas şərtlərindən hesab olunur.