"Neftçi" FİFA tərəfindən kluba 3 mövsümlük transfer qadağası qoyulması xəbərinə aydınlıq gətirib. FİFA-nın kluba transfer qadağası tətbiq etdiyi təsdiqlənsə də, problemin qısa zamanda aradan qaldırılacağı bildirilib.
Ucnoqta.az xəbər verir ki, klubun mətbuat xidmətinin rəhbəri Asəf Zeynallı QOL.az saytına açıqlamasında bildirib ku, artıq “Neftçi” tərəfindən gecikmiş transfer ödənişi həyata keçirilib və qadağa yaxın günlərdə aradan qaldırılacaq:
"Transfer ödənişi geçikəndə FİFA-nın müvafiq portalı avtomatik olaraq klubu qırmızı siyahıya salır və transfer qadağası gəlir. Bu, dünya praktikasında tez-tez rast gəlinən məsələdir. Əsas öhdəliklər bağlanandan sonra qadağa avtomatik olaraq aradan qalxır. Artıq biz tərəfdən ödəniş həyata keçirilib, qarşı tərəf təsdiqləyəndən sonra maksimum 3-5 günə transfer qadağası aradan qaldırılacaq. Narahatlığa əsas yoxdur. Heç bir borc öhdəliyimiz yoxdur. Sadəcə, texniki məsələlərə görə bir ödəniş gecikmişdi, o da artıq həllini tapıb. Azarkeşlərimiz narahat olmasınlar".