4
Hörmüz boğazında pilotsuz təyyarə San Antonio konteyner gəmisinə zərbə endirib və nəticədə yeddi filippinli heyət üzvü yaralanıb.
Ucnoqta.az xəbər verir ki, bu barədə PNA xəbər agentliyi Miqrant İşçilər Naziri Hans Leo Kakdaka istinadən məlumat yayıb.
Məlumata görə, hücum mayın 5-də baş verib. Pilotsuz təyyarənin zərbəsi nəticəsində dörd filippinli yüngül xəsarət alıb, üçü isə reanimasiyadadır.
Reuters-in məlumatına görə, zərbə dünyanın üçüncü ən böyük gəmiçilik şirkəti olan Fransanın "CMA CGM" şirkətinə məxsus gəmiyə dəyib. Təhlükəsizlik mənbəyinə görə, konteyner gəmisi gecə Oman yaxınlığındakı gəmiçilik sahəsindən keçməyə çalışarkən İran raketi ilə vurulub.