"WhatsApp" tərtibatçıları messencerdə e-poçt ünvanından istifadə edərək autentifikasiya imkanını təqdim edirlər.
Ucnoqta.az xəbər verir ki, bu barədə WABetaInfo portalı məlumat yayıb.
E-poçta daxil olma funksiyası hələ də inkişaf mərhələsindədir, lakin o, artıq 2.23.18.19 kimi Android üçün "WhatsApp"ın bəzi beta testçiləri üçün əlçatandır.
E-poçt "WhatsApp" hesabınıza daxil olmaq üçün alternativ yol kimi istifadə olunacaq. Qeyd olunur ki, ünvan kontaktlar və həmsöhbətlər üçün görünməyəcək. Eyni zamanda, yeni istifadəçilər hələ də telefon nömrəsi ilə messencerdə qeydiyyatdan keçməli olacaqlar.
Dəyişiklik hesablarına daxil olmaqda çətinlik çəkən və SMS vasitəsilə 6 rəqəmli kod almadığı üçün 2WhatsApp2a daxil ola bilməməkdən şikayət edən istifadəçilər üçün faydalı ola bilər.
İstifadəçilər bu autentifikasiya metodundan istifadə etməyə məcbur edilməyəcək – istəsəniz, SMS vasitəsilə hesabınıza daxil olmağa davam edə bilərsiniz.