Bakıda avtobusda qoyulan dezinfeksiyaedici məhlul müzakirəyə səbəb olub.
Bu barədə sosial şəbəkədə foto paylaşılıb. Sərnişinlər 51 nömrəli müntəzəm marşrut xətti üzrə hərəkət edən avtobusdakı vəziyyətdən şikayət ediblər. İddia edilir ki, avtobusda qoyulan spirt deyil:
“İnsanları koronavirusdan gördüyünüz şəkildə qorumağa çalışırlar. Deyilənə görə, içərisində spirt əvəzinə, tut arağı və su ilə izolə edilmiş məhlul var. Hələ qutusuna baxın! Butulkanı yapışqan lentlə (skoç) qeyri-normativ standartlarla dirəyə bərkidiblər. Biabırçılıqdır”.
