27
ABŞ hakimiyyət orqanları Kaliforniya ştatının Los-Anceles hava limanında Çin vətəndaşını Çinin hakimiyyət orqanları üçün qeydiyyatdan keçməmiş xarici agent kimi fəaliyyət göstərməkdə şübhəli bilinərək saxlayıb.
Ucnoqta.az xəbər verir ki, bu barədə Kaliforniyanın Mərkəzi Dairəsi üzrə prokurorun birinci müavini Bill Esseylı X sosial şəbəkəsində bildirib.
Onun sözlərinə görə, həmin şəxs xarici dövlətin maraqları naminə fəaliyyət göstərdiyini baş prokurora bildirməyib və bu, federal cinayət hesab olunur.
Esseylının məlumatına görə, 34 yaşlı Çin vətəndaşı 2025-ci ildə Vaşinqton ştatının Sietl şəhərinə səfər edib. O, iddiaya görə, Çin hakimiyyətinin göstərişi ilə Tayvan administrasiyasının nümayəndələrindən birinin qohumunu izləyib.