Səudiyyə Ərəbistanı və İran XİN başçıları regiondakı gərginliyi müzakirə ediblər

Səudiyyə Ərəbistanının xarici işlər naziri şahzadə Feysəl bin Fərhan Əl Səud iranlı həmkarı Abbas Əraqçi ilə telefon danışığı aparıb.

Tərəflər Fars körfəzi regionunda mövcud vəziyyəti və gərginliyin azaldılmasına yönəlmiş diplomatik səyləri müzakirə ediblər.

Ucnoqta.az xəbər verir ki, Səudiyyə Ərəbistanı Xarici İşlər Nazirliyinin məlumatına görə, Ər-Riyad regionda təhlükəsizlik və sabitliyin təmin olunması istiqamətində rolunu davam etdirmək əzmində olduğunu bir daha vurğulayıb.

Bildirilib ki, bu səylər region ölkələri və xalqlarının ümumi maraqlarına xidmət etməyi hədəfləyir.