Evdə illərdir istifadə olunmayan köhnə kompüteriniz varsa, onu metal qırıntısı kimi satmağa tələsməyin.
Ucnoqta.az xəbər evrir ki, mütəxəssislərin sözlərinə görə, bəzi köhnə komponentlər, xüsusilə də keramika prosessorları və qızıl örtüklü elektron lövhələr kolleksiyaçılar və təkrar emal şirkətləri tərəfindən yüksək qiymətləndirilir.
Köhnə kompüteri bütöv satmaq sərfəli deyil
Ən çox rast gəlinən səhvlərdən biri sistem blokunu hissələrə ayırmadan metal qırıntısı kimi təhvil verməkdir. Təxminən 8 kiloqram ağırlığında olan sistem blokuna görə cəmi 120–320 rubl əldə etmək mümkündür.
Halbuki işlək vəziyyətdə olan komponentlər ayrıca satıldıqda daha çox qazanc gətirə bilər. Hətta müasir proqramları işlədə bilməyən qrafik kartları və anakartlar belə köhnə kompüterlərin təmiri, sənaye avadanlıqları və büdcə sistemlərinin yığılması üçün alıcı tapa bilir.
Mütəxəssislər satışdan əvvəl komponentin modelini elan saytlarında axtarmağı, oxşar məhsulların qiymətlərini müqayisə etməyi və yalnız bundan sonra satış qərarı verməyi tövsiyə edirlər.
Ən qiymətli hissələr köhnə prosessorlar ola bilər
Maraqlıdır ki, bəzi hallarda ən köhnə prosessorlar ən bahalı hesab olunur. Səbəb onların istehsalında daha çox qızıl örtüklü kontaktlardan və digər qiymətli metallardan istifadə edilməsidir.
Satmazdan əvvəl modelini yoxlayın
Bəzi köhnə prosessorlar və digər nadir komponentlər tərkibindəki qiymətli metallardan daha çox kolleksiya dəyərinə malik olur. Buna görə də mütəxəssislər köhnə hissələri satmazdan əvvəl onların modelini internetdə araşdırmağı, kolleksiya bazarında hansı qiymətə təklif olunduğunu öyrənməyi məsləhət görürlər.
Beləliklə, istifadəsiz qalan köhnə kompüter bəzən gözlənilməz gəlir mənbəyinə çevrilə bilər.