İsrail Qəzzaya “əsas” ərzaq idxalına icazə verəcək

İsrail anklavda qıtlıq təhlükəsinin qarşısını almaq üçün Qəzza zolağına “əsas miqdarda” qidanın daxil olmasına icazə verəcək.

Ucnoqta.az xəbər verir ki, bu barədə Baş nazir Benyamin Netanyahunun ofisi məlumat yayıb.

Bildirilir ki, İsrail Müdafiə Qüvvələrinin tövsiyəsi əsasında və HƏMAS-a qalib gəlmək üçün intensiv döyüşlərin genişləndirilməsinin təcili ehtiyacını nəzərə alaraq, İsrail Qəzza zolağında aclıq böhranının qarşısını almaq üçün əhalini əsas ərzaq məhsulları ilə təmin edəcək.