Hipertoniya və ya yüksək qan təzyiqi təhlükəli xəstəliklərə səbəb ola biləcək kifayət qədər ciddi bir problemdir.
Bəzi qidalar, xüsusən də bəzi kartof növləri hipertansif xəstələrin vəziyyətini pisləşdirə bilər.
Ucnoqta.az Express”ə istinadən xəbər verir ki, pəhriz hipertoniyanı sabitləşdirməyin açarıdır. Buna görə də həkimlər sizi gündəlik qida rasionunuz üçün məhsul seçiminə çox ciddi yanaşmağa çağırır.
Beləliklə, Harvard Tibb Məktəbinin alimləri müxtəlif növ kartofların qan təzyiqinə necə təsir etdiyini öyrənmək üçün araşdırma aparmağa qərar verdilər. Araşdırmada 187 mindən çox insan iştirak edib.
Tədqiqatın nəticələrinə görə, hipertoniyadan əziyyət çəkən insanlar üçün ən böyük təhlükəni çips və kartof qızartmasının olduğu ortaya çıxıb.
Əgər insan yeddi gün ərzində bu qidalardan dörd və ya daha çox porsiya yeyirsə, yüksək təzyiq riski 11% artır. Mütəxəssislər bu mənzərəni onunla izah edirlər ki, kartof qızartması və çipsin tərkibində çoxlu duz və bitki yağı var ki, bu da insan sağlamlığına mənfi təsir göstərir.