Avstraliya səlahiyyətliləri 2021-ci ildə qitənin şimal-şərqindəki bioloji laboratoriyadan yoxa çıxan 323 canlı virus nümunəsinin yoxa çıxmasını araşdırır.
Ucnoqta.az xəbər verir ki, bu barədə Kvinslendin Səhiyyə naziri Tim Nikols bildirib.
Onun sözlərinə görə, insident yalnız 2023-cü ilin avqustunda məlum olub, lakin laboratoriya işçiləri itmiş nümunələrin götürülüb və ya məhv edilib-edilmədiyi barədə məlumat verə bilmədiyi üçün araşdırma daha sonra başlayıb.
Təsdiqlənməmiş məlumatlara görə, Hendra virusu, lissavirus və hantavirus nümunələri laboratoriyadakı soyuducu qurğulardan biri xarab olduqdan sonra işləyən dondurucuya yerləşdirilib, lakin müvafiq sənədləşmə işləri tamamlanmayıb.
Lakin biomateriallar bu təhlükəsiz anbardan çıxarılıb itirilə bilərdi deyən nazir, nümunələrin laboratoriyadan oğurlandığına dair hələ heç bir sübut olmadığını əlavə etdi.
Ştatın baş səhiyyə işçisi Con Cerrard, itkin virus konteynerlərinin əhali üçün heç bir təhlükə yaratmadığını söyləyib.
Belə nümunələr dondurucudan kənarda çox tez parçalanır və yoluxucu olmur”, – deyə o, əmin edib.
Gerrard həmçinin izah etdi ki, son beş il ərzində “ştatda Hendra virusu, lissavirus və ya hantavirusa yoluxma halı aşkar edilməyib”.