1
NATO-nun "Qəzəbli Qurd 24" hərbi təlimi yanvarın 15-dən 19-dək Latviyanın Adazi və Siqulda bölgələrində keçiriləcək.
Ucnoqta.az xəbər verir ki, bu barədə Latviya mətbuatı məlumat yayıb.
Təlimlərdə ABŞ, Çexiya, Fransa, Böyük Britaniya, Hollandiya, Norveç və Almaniyadan aviasiya atəşinə dəstək mütəxəssisləri iştirak edəcək. Təlimlər zamanı qırıcı təyyarələr həm gündüz, həm də gecə aşağı hündürlükdə uçuşlar həyata keçirəcək.
Qəzəbli Qurd məşqi hər üç Baltikyanı ölkədə mütəmadi olaraq keçirilir və onun məqsədi həm şəhər mühitində, həm də ondan kənarda bölmələr üçün havadan atəş dəstəyi tətbiq etməkdir.