Azərbaycan Respublikasının Kənd Təsərrüfatı naziri İnam Kərimov oktyabrın 25-də Oğuz Dövlət Aqrar İnkişaf Mərkəzinin inzibati binasında Oğuz və Qəbələ rayonlarından olan vətəndaşları qəbul edəcək.
Nazirlikdən Ucnoqta.az-a verilən məlumata görə, həmin gün Kənd Təsərrüfatı nazirinin müavini İlham Quliyev Qax Dövlət Aqrar İnkişaf Mərkəzində Qax və Şəki rayonlarından olan vətəndaşları qəbul edəcək. Oktyabrın 25-də Zaqatalada planlaşdırılan vətəndaş qəbulunun yeri isə dəyişdirilib. Zaqatala və Balakən rayonlarından olan vətəndaşların Qax Dövlət Aqrar İnkişaf Mərkəzində qəbulu nəzərdə tutulur.
Vətəndaş qəbulunda iştirak etmək istəyənlər Oğuz Dövlət Aqrar İnkişaf Mərkəzinə (050-2237528) və Qax Dövlət Aqrar İnkişaf Mərkəzinə (055-3610891) müraciət edə bilərlər.
Qəbula yazılmaq üçün, həmçinin Kənd Təsərrüfatı Nazirliyinin “Çağrı Mərkəzi” (1652) və elektron poçtu ([email protected]) vasitəsi ilə də qeydiyyatdan keçmək olar.