Türkiyəli məşhur məşqçi Təbriz komandasının baş məşqçisi olub

İran Premyer Liqasında çıxış edən "Traktor" komandasının yeni baş məşqçisi müəyyənləşib. 

"Report" "Farsnews"a istinadən xəbər verir ki, Təbriz təmsilçisi türkiyəli Mustafa Denizliyə tapşırılıb. 70 yaşlı mütəxəssis son olaraq ölkəsində "Kasımpaşa" klubunda çalışıb.

Qeyd edək ki, Mustafa Denizli 2013-2014 mövsümündə "Xəzər Lənkəran"ın baş məşqçisi olub. O, İranın "Persepolis" və "PAS Tehran" komandalarına da rəhbərlik edib.