Almaniyada ölüm hökmü tamamilə ləğv edilib

Almaniyanın Hessen federal torpağı Konstitusiyadan ölüm hökmü cəzasını çıxaran qanun qəbul edib.

Bu barədə "Report" BBC-yə istinadən xəbər verir. Beləliklə, ölüm cəzası bütün Almaniya ərazisində tamamilə qadağan edilib.

Qeyd edək ki, ölüm hökmü cəzasının 1949-cu ildə Almaniya Federativ Respublikasının Konstitusiyasından çıxarılmasına baxmayaraq, bu regionun qanunlarında qalırdı.
Bu gün Avropa İttifaqının heç bir ölkəsində ölüm cəzası tətbiq edilmir.