1
"Ağır, amma inanılmaz mükafatdır. İlk dəfə deyil ki, bu mükafatı alıram. Bütün komanda yoldaşlarıma, ailəmə, mənimlə işləyən hər kəsə minnətdaram".
Bu sözləri FİFA-nın dünyada ilin ən yaxşı kişi futbolçusu nəzərdə tutduğu "The Best" mükafatının sahibi Kriştianu Ronaldu bildirib.
Mükafatlandırma mərasimində səhnədə təəssüratlarını bölüşən 32 yaşlı portuqaliyalı hücumçu 2016-cı ilin karyerasında ən yaxşı il olduğunu söyləyib: "Qazandığımız mükafatlar, bütün turnirlərdə maksimuma çatmağımız səbəbindən bu mükafata layiqəm. Mənə səs verənlərə minnətdaram. Mükafatların özü hər şeyi deyir".