Pakistan, Səudiyyə Ərəbistanı və Türkiyənin iştirak etdiyi Məkkə razılaşmasına regionda sülh, sabitlik və təhlükəsizliyi dəstəkləyən digər ölkələr də qoşula bilər.
Ucnoqta.az xəbər verir ki, bunu Pakistan Silahlı Qüvvələrinin İdarələrarası İctimaiyyətlə Əlaqələr Xidmətinin baş direktoru Əhməd Şərif Çaudri bildirib.
Onun sözlərinə görə, razılaşma sülh, sabitlik, təhlükəsizlik, təcavüz etməmək, daxili işlərə müdaxilə etməmək və kollektiv çəkindirmə prinsiplərini bölüşən yeni tərəfdaşların iştirakı üçün açıq ola bilər.
Çaudri formatın yalnız müsəlman ölkələrindən ibarət bir birlik kimi qiymətləndirilməməli olduğunu qeyd edib. O bildirib ki, razılaşmanın genişləndirilməsi ilə bağlı qərarı iştirakçı ölkələr verməlidir.
General vurğulayıb ki, saziş müdafiə xarakteri daşıyır və kollektiv çəkindirməyə yönəlib. Onun sözlərinə görə, razılaşmada aqressiv və ya regional ambisiyalar yoxdur.