Xəzər dənizinin suyun səviyyəsi 2050-ci ilə qədər 8 ilə 21 metr arasında enə bilər.
Ucnoqta.az xəbər verir ki, bu barədə Astanada keçirilən Regional Ətraf Mühit Zirvəsində tematik sessiyaya moderatorluq edən Xəzər dənizinin qorunması üzrə çərçivə sənədi olan Tehran Konvensiyasının müvəqqəti katibliyinin koordinatoru Mahir Əliyev bildirib.
"Bu əsrin ortalarına qədər dəniz səviyyəsinin 8 metr ilə 21 metr arasında azalacağını göstərən bəzi proqnozlar var" – Mahir Əliyev deyib.
Əliyev qeyd edib ki, Xəzər dənizinin dayazlaşması probleminin həlli yalnız bir tərəfin qısamüddətli səyləri deyil, dənizlə həmsərhəd olan beş ölkənin hamısının uzunmüddətli iştirakını tələb edir.
Sessiyada çıxış edən BMT Baş katibinin müavini və BMT Ətraf Mühit Proqramının icraçı direktoru İnger Andersen də beş Xəzəryanı dövləti Xəzər dənizinin ekologiyasını yaxşılaşdırmaq üçün birgə proqram hazırlamağa çağırdı.
BMT Baş katibinin müavini planın həyata keçirilməsi və həll yollarının genişləndirilməsi üçün maliyyələşdirmənin təmin edilməsi məqsədilə beynəlxalq tərəfdaşlarla əlaqə saxlamağın vacibliyini qeyd edib.
Xəzər dənizi dünyanın ən böyük qapalı su hövzəsidir. Beş ölkə ona ortaq çıxışa malikdir: Azərbaycan, İran, Qazaxıstan, Rusiya və Türkmənistan. 2003-cü ildə dövlətlər Tehranda imzalanmış sənəd olan Xəzər dənizinin dəniz mühitinin qorunması haqqında Konvensiyanı qəbul ediblər. Bu sənəd Xəzər bölgəsində ətraf mühitin qorunması üçün ümumi tələbləri müəyyən edir və bu məqsədlə lazımi mexanizmlərin yaradılmasını təmin edir.///tass