Tayvanda qasırğa səbəbindən xəsarət alanların sayı artıb

Yaxınlaşan Funq Vonq tayfununun yaratdığı güclü yağış səbəbindən Tayvanda ən azı 51 nəfər xəsarət alıb.

Ucnoqta.az xəbər verir ki, bu barədə adanın Mərkəzi Xəbər Agentliyi (CNA) məlumat yayıb.

Daha əvvəl "Focus Taiwan" xəbər portalı 13 nəfərin yaralandığını bildirmişdi.

Xüsusilə güclü yağış Yilan qraflığında qeydə alınıb, burada 25 rayon su altında qalıb və 5907 ev elektriksiz qalıb. Sinoptiklərin məlumatına görə, son 24 saat ərzində Yilanda ümumi yağıntı miqdarı 724,5 mm-dən 1061,5 mm-ə qədər dəyişib. Qonşu bölgələr də təsirlənib.

Tayvan Dəmir Yolu Korporasiyası bir neçə marşrutda xidməti dayandırıb və pis hava şəraiti səbəbindən təxminən 100 bərə səfəri ləğv edilib.