ABŞ prezidenti Donald Tramp Latın Amerikası ölkələri ilə Çinin yaxınlaşmasından narahat olmadığını bildirib.
Ucnoqta.az xarici mətbuata istinadən xəbər verir ki, o, bu sözləri Ağ Evdə jurnalistlərə açıqlamasında deyib.
Tramp Braziliya, Meksika və Latın Amerikası ölkələrinin ABŞ administrasiyasının tətbiq etdiyi idxal rüsumlarına görə Çinlə yaxınlaşmasından narahat olub-olmadığını soruşduqda “Bu, məni qətiyyən narahat etmir, onlar istədiklərini edə bilərlər” deyə cavab verib.
Eyni zamanda Tramp Braziliyanın ABŞ üçün dəhşətli ticarət tərəfdaşı olduğu fikrini ifadə edib.
"İndi biz onlardan 50% rüsum alırıq və onlar bundan məmnun deyillər", – Amerika lideri əlavə edib.
"Bundan əlavə, Braziliyada bir prezidenti həbs etməyə və ya həbs etməyə cəhd etməyə imkan verən dəhşətli qanunlar var" deyən Tramp Braziliyanın keçmiş prezidenti (2019-2022) Jair Bolsonaro ilə "tanıdığını" qeyd etdi.
"Mən insanları yaxşı tanıyıram və deyə bilərəm ki, o, vicdanlı insandır", – Amerika lideri vurğulayıb.