Gürcüstan parlamentinin spikeri Şalva Papuaşvili Polşanın baş naziri Donald Tusk və Polşanın xarici işlər naziri Radoslav Sikorskini Gürcüstanın keçmiş prezidenti Mixail Saakaşvilinin maraqlarına lobbiçilik etməkdə ittiham edib.
Ucnoqta.az xəbər verir ki, Papuaşvili jurnalistlərə bildirib.
"Polşanın hazırkı hökuməti, baş naziri, xarici işlər naziri Mixail Saakaşvilinin lobbiçiləridir. Mən sizə "Avropa Xalq Partiyası"nın qurultaylarını xatırladacağam ki, bu qurultayda Donald Tusk bu partiyanın lideri kimi Mixail Saakaşvilinin həbsxanadan – cinayətkar, işgəncə sistemi yaradan adamdan məktubunu bizə oxudu. Xarici işlər naziri Sikorskinin bu gün də Saakaşvilini işgəncə sistemi yaradan, reket, modernləşdirici və nümunəvi demokrat adlandırdığı bəyanatları da yadımızdadır”, – spiker qeyd edib.