Gürcüstan Transqafqazda (Azərbaycan, Ermənistan, Gürcüstan – Rusiya, Türkiyə, İran) "üç üstəgəl üç" formatında öz yerini tuta bilər.
Ucnoqta.az xəbər verir ki, bunu Rusiyanın xarici işlər naziri Sergey Lavrov 2024-cü ildə Rusiya diplomatiyasının yekunlarına həsr olunmuş mətbuat konfransında deyib.
“Biz Prezident İlham Əliyevin və Prezident Rəcəb Tayyib Ərdoğanın “üç üstəgəl üç” mexanizminin – üç Cənubi Qafqaz ölkəsi və üç qonşunun yaradılması ilə bağlı təşəbbüsünü fəal dəstəklədik: Azərbaycan, Ermənistan, Gürcüstan – Rusiya, Türkiyə, İran. İlk təmaslar artıq baş tutub, gürcü qonşularımız hələ onlar üçün ayrılmış yeri tutmayıblar, lakin bizim regionun problemlərini müzakirə edəcəyimiz masa arxasındakı bu yer həmişə onların ixtiyarındadır", – Lavrov deyib.
Nazirin sözlərinə görə, “üç üstəgəl üç” formatı Avropa İttifaqının iştirakı ilə formatdan daha obyektivdir.
"İndi eşitdim ki, Ermənistan və Azərbaycan artıq sülh müqaviləsi ilə bağlı razılığa gəliblər. Aydındır ki, qalan iki məsələni həll etmək çətindir. Biz qərar verməliyik: ya "hə", ya da "yox". Budur, Avropa Komissiyası gəlir. sonra Avropa Komissiyası və Avropa Birliyi deməyə başladı: Biz dərhal orada olacağıq, sizə kömək edəcəyik. Razılığa gələndə sənədi harada imzalamaq Azərbaycan və Ermənistanın suveren qərarıdır, ancaq Brüssel və Vaşinqtonun hər hansı bir şəkildə hər şeyi etdiklərini göstərmək istəyi bir daha göstərir ki, hamı özünün patron olduğunu göstərmək istəyir", – Lavrov şərh etdi.