Həmkarlar ittifaqları minimum pensiya yaşını 62-dən 64-ə qaldıran pensiya islahatına etiraz olaraq şənbə günü Fransa paytaxtının mərkəzində yürüş keçirirlər.
Ucnoqta.az TASS-a istinadən xəbər verir ki, etirazçılar Respublika meydanından şəhərin şərqinə – Milli meydanına doğru irəliləyiblər.
Nümayişçilər əllərində ən böyük həmkarlar ittifaqlarının adları yazılmış plakatlarla şüarlar səsləndirirlər.
Nümayişlər respublikanın 240 şəhərində, o cümlədən Avinyon, Bordo, Lion, Marsel, Monpelye, Ruanda keçirilir. Tuluza küçələrində, həmkarlar ittifaqlarının məlumatına görə, 100 min etirazçı küçələrə çıxıb.
Daxili İşlər Nazirliyi bildirib ki, aksiyalarda asayişi 10 min hüquq-mühafizə orqanı əməkdaşı qoruyur, onlardan 4500-ü Parisdəki nümayişlərdə təhlükəsizliyi təmin edir.