Dietoloqların fikrincə, qidalanmada yalnız seçilən məhsullar deyil, yeməklərin qəbul olunduğu vaxt da mühüm rol oynayır. Xüsusilə naharın gecikdirilməsi axşam saatlarında həddindən artıq yeməyə səbəb ola bilər.
Ucnoqta.az bildirir ki, mütəxəssislər əksər insanlar üçün nahar üçün ən uyğun vaxtın 12:00–14:00 aralığı olduğunu bildirirlər. Bu, səhər yeməyindən təxminən 4–5 saat sonraya təsadüf edir.
Bunun əsas səbəblərindən biri orqanizmin sirkadiyalı ritmləridir. Günün birinci yarısında maddələr mübadiləsi və insulinə həssaslıq daha yüksək olur. Axşama doğru isə orqanizm istirahətə hazırlaşdığı üçün metabolik proseslər nisbətən yavaşlayır.
Vaxtında nahar etmək gün ərzində enerjinin qorunmasına, qan şəkərinin daha sabit qalmasına və axşam saatlarında güclü aclıq hissinin yaranmasının qarşısının alınmasına kömək edə bilər.
Bununla belə, optimal yemək vaxtı hər kəs üçün eyni deyil. İş qrafiki, yuxu rejimi, fiziki aktivlik və digər fərdi amillər də nəzərə alınmalıdır.