ABŞ administrasiyası Almaniyaya "Tomahawk" raket batalyonu da daxil olmaqla, uzaq mənzilli silahların yerləşdirilməsi qərarını ləğv etməyi planlaşdırır.
Ucnoqta.az xəbər verir ki, bu barədə Financial Times Pentaqondakı mənbəyə istinadən məlumat yayıb.
Raketlərin yerləşdirilməsinin mümkün ləğvi ilə bağlı şərh verən Berlində yerləşən Edina beyin mərkəzinin direktoru Kristian Möllinq bu addımı Amerika hərbi kontingentinin azaldılmasından daha ciddi problem adlandırıb.
"Sonuncusu kompensasiya edilə bilər, amma biz uzaq mənzilli raketlərdə geri qalırıq", – deyə ekspert nəşrə bildirib və qeyd edib ki, bu cür addımlar ABŞ-ın NATO ölkələrini müdafiə etməyə hazırlığını şübhə altına alır.
ABŞ və Almaniya 2025-ci ilin iyul ayında "Tomahawk" və digər uzaq mənzilli silahların yerləşdirilməsi planlarını açıqlayıblar. Bu, əvvəlcə 2027-ci il üçün planlaşdırılırdı. Raketlərin yerləşdirilməsi ilə bağlı razılaşma Donald Trampın sələfi Co Baydenin rəhbərliyi dövründə əldə edilib.