Keçmiş dünya birincisi və yeddiqat "Böyük Dəbilqə" qalibi, ABŞ-li Venus Uilyams Avstraliya Açıq Turnirində iştirak etmək üçün "wild card" alıb.
Ucnoqta.az bildirir ki, bu barədə turnirin mətbuat xidməti məlumat verib.
Uilyams tarixin ən yaşlı Avstraliya Açıq Turniri iştirakçısı ola bilər. 45 yaşlı amerikalı 2015-ci ildə turnirdə 44 yaşında iştirak edən yaponiyalı Kimiko Deyti geridə qoya bilər.
Uilyams keçmiş dünya birincisidir. O, Uimbldon (2000, 2001, 2005, 2007, 2008) və ABŞ Açıq Turnirində (2000, 2001) qələbələr də daxil olmaqla, Qadın Tennis Assosiasiyasının (WTA) 49 tək titulunu qazanıb.
Amerikalı təşkilatın himayəsi altında cütlük yarışlarında 22 turnir qazanıb ki, bunlardan 14-ü "Böyük Dəbilqə"dir. Uilyams dördqat Olimpiya çempionudur – bir dəfə tək yarışda (2000) və üç dəfə cüt yarışlarda (2000, 2008, 2012).
Avstraliya Açıq Turniri 18 yanvar – 1 fevral tarixlərində keçiriləcək.