Avropa İttifaqı 18-19 dekabr sammitində 2026-2027-ci illərdə Ukraynanın Rusiya aktivlərindən maliyyələşdirilməsi ilə bağlı yekun qərar verməlidir; bu, təxirə salına bilməz.
Ucnoqta.az xəbər verir ki, bu barədə Avropa Komissiyasının prezidenti Ursula fon der Lyayen Avropa Parlamentində çıxış edərkən bildirib.
"BVF-nin hesablamalarına görə, Ukraynanın 2026-2027-ci illərdə təxminən 137 milyard avroya ehtiyacı var və Avropa İttifaqı bu məbləğin üçdə ikisini – 90 milyard avronu ödəməlidir. Avropa Komissiyası iki variant təklif edib: biri Rusiya aktivlərinə, digəri isə Aİ-nin ümumi kreditinə əsaslanır. Bir şey aydındır: Ukraynanın növbəti iki il üçün maliyyələşdirilməsi ilə bağlı yalnız bu Avropa Şurasının iclasında qərar verməliyik. Aİ artıq çox vacib bir qərar verib – ötən həftə Rusiya aktivlərinin qeyri-müəyyən müddətə dondurulmasını təsdiqlədik ki, bu da həlledici addımdır" , – deyə o bildirib.