22 oktyabrdan bəri Vilnüs Beynəlxalq Hava Limanının bağlanması səbəbindən təxminən 150 reysi və 15.000 sərnişinin uçuşu dayandırılıb.
Ucnoqta.az bildirir ki, Aeroport rəhbərliyi bu barədə məlumat verib.
"22 oktyabrdan bəri hava limanının təhlükəsizlik zonasında icazəsiz uçan obyektlərin aşkarlanması ilə bağlı təkrarlanan hadisələr səbəbindən təxminən 15.000 sərnişin daşıyan müxtəlif aviaşirkətlərin təxminən 150 reysi dayandırılıb" – açıqlamada deyilir.
İlk hadisə 22 oktyabrda Litvaya daxil olan təxminən 200 hava şarı aşkar edildikdə baş verib.
Baltikyanı respublikanın hakimiyyət orqanlarının məlumatına görə, bu şarlar Belarusdan Litvaya qaçaqmal siqaretlərinin keçirilməsi üçün istifadə olunur. Oxşar hadisələr hava limanını şənbə günündən bəri ardıcıl üç gecə bağlamağa məcbur edib.
Bunu nəzərə alaraq, Vilnüs Belarusla sərhədini uzun müddətə bağlamaq niyyətindədir. Bazar günü gecəsindən həftəsonuna qədər iki mövcud nəzarət məntəqəsindən keçən nəqliyyat qeyri-müəyyən müddətə bağlanacaq.
Hazırda heç bir nəqliyyat vasitəsinin keçidi yoxdur.