"Aqressiyaya qaldıqda, biz də insanıq. Ömürboyu sakit ola bilmərik. Normal bir epizoddur. Penalti epizodunu da dedim. Ona görə planşeti vurdum”.
Ucnoqta.az xəbər verir ki, “Qarabağ”ın baş məşqçisi Qurban Qurbanov Azərbaycan kubokunun ilk oyunu çərçivəsində “Araz-Naxçıvan”la keçirilən oyunda penalti epizodunda əsəbiləşərək planşeti sındırmasında danışıb.
“Yox, niyə ki? Dəfələrlə məğlub olmuşam və özümü normal aparmışam. İnsanıq da, aqressiya olur. Ola bilər ki, epizod penalti idi. Deyirlər ki, penalti kosmosdan görünməlidir. Mən də istəyirəm ki, oyun daha sürətli, dinamik getsin. Oyunda pauza həddindən çox oldu. Hakim də öz ritmini itirir. Yerli komandalara məğlubiyyəti qəbul etməməyimlə bağlı fikri qəbul etmirəm. Əksinə, çox istəyərəm ki, hər komanda “Qarabağ”a qalib gəlsin və o klubun rəhbərliyində futbola sevgi daha da çox olsun, maraq böyüsün. Biz də insanıq, ömür boyu sakit ola bilmərik. Planşetə penalti epizoduna görə vurdum. Onu da gördüz, gözdən qaçırmadız”.