41
ABŞ dövlət katibi Marko Rubionu Münhen Təhlükəsizlik Konfransında iştirak etmək üçün Almaniyaya aparan təyyarə texniki nasazlıq üzündən geri dönüb və Vaşinqton yaxınlığındakı Endryus hərbi bazasına qayıdır.
Ucnoqta.az xəbər verir ki, bunu jurnalistlərə Dövlət Departamentinin mətbuat xidmətinin rəhbəri Temmi Bryus deyib.
"Təyyarə geri döndü və Endryus hərbi bazasına qayıdır", – Bryus deyib.
Qeyd olunur ki, Rubio başqa təyyarə ilə Almaniyaya və Yaxın Şərqə getmək niyyətindədir.
Agentliyin məlumatına görə, texniki nasazlıqlar bazadan ayrıldıqdan təxminən saat yarım sonra yaranıb və pilot kabinəsindəki şüşə ilə bağlı olub.