BMT disfunksional vəziyyətə düşüb və yüzlərlə ölkənin iradəsinə məhəl qoymur, ona görə də islahatlara ehtiyac var.
Ucnoqta.az xəbər verir ki, bunu Türkiyə Prezidenti Rəcəb Tayyib Ərdoğan Nyu Yorkdakı Türk Evində keçirilən dəyirmi masada deyib.
"Biz demək olar ki, hər gün yeni böhranların və ya münaqişələrin şahidi oluruq. Çoxtərəflilik BMT-nin əsasını təşkil etməlidir. Biz 1945-ci ildə yaşamırıq, nə Soyuq Müharibə, nə də birqütblü nizam.
Hər böhranda acı həqiqətin şahidi oluruq. Bir tərəfdə BMT Baş Assambleyası və onun bəşəriyyətin ümumi şüurunu, ümumi müdrikliyini əks etdirən qərarları var.
Digər tərəfdən, Təhlükəsizlik Şurasında veto hüququ olan beş imtiyazlı ölkə var. BMT-də yüzlərlə ölkənin öz maraqlarına, prioritetlərinə və hisslərinə görə iradəsinə məhəl qoyulmur.
Mən dünyanın beşdən çox olduğunu deyirəm və təşkilatın bu təhrif strukturuna diqqət çəkirəm”, – deyə Anadolu agentliyi Ərdoğanın sözlərindən sitat gətirib.