Gürcüstanın baş naziri İrakli Kobaxidze respublika hakimiyyətinin 2008-ci il müharibəsinin hallarını aydınlaşdırmaq üçün prokurorluğa, Konstitusiya Məhkəməsinə müraciət edəcəyini və ya parlament komissiyası yaradacağını istisna etməyib.
Ucnoqta.az xəbər verir ki, Kobaxidze Cənubi Osetiyada müharibənin başlanmasının 16-cı ildönümü münasibətilə gürcü jurnalistlərə deyib.
“Hüquqi forma ola bilər ki, prokurorluğa müraciət olacaq, parlamentin istintaq komissiyası, Konstitusiya Məhkəməsinə müraciət edəcək. Hamısını birlikdə və ya müəyyən bir vasitədən istifadə etmək mümkün olacaq, bütün bunlar barədə ictimaiyyət biləcək, amma əsas odur ki, 2008-ci ilin cinayəti Saakaşvili rejimi tərəfindən törədilib, sona qədər araşdırılmalıdır”, – başnazir qeyd edib.