Macarıstan NATO-nun Ukraynadakı missiyasına qarşıdır –

Budapeşt NATO-nun Ukraynadakı missiyasına qarşıdır, lakin alyans üzvlərinin əksəriyyəti bunu dəstəklədiyi üçün buna mane ola bilmir.

Ucnoqta.az xəbər verir ki, bunu Macarıstanın baş naziri Viktor Orban Budapeştdə Alyansın baş katibi Yens Stoltenberqlə danışıqlardan sonra keçirdiyi mətbuat konfransında deyib.

Hökumət başçısı bildirib ki, o, həmsöhbətinin diqqətinə Macarıstanın alyansın ərazisindən kənarda, ilk növbədə Ukraynada NATO-nun hərbi əməliyyatlarında iştirak etməmək niyyətini çatdırıb.