Müasir həyatın vazkeçilməz hissəsinə çevrilən telefondan tualetdə istifadə vərdişi bir çox insan üçün qaçılmaz olub.
Lakin mütəxəssislər bu vərdişin ciddi sağlamlıq problemlərinə səbəb ola biləcəyi barədə xəbərdarlıq edirlər. Tualetdə telefondan istifadənin potensial risklərini və bu vərdişdən uzaq durmağın vacibliyini bilmək lazımdır.
Telefonunuzu tualetdə istifadə etməyin sağlamlığa təsirləri…
Tualetdə telefondan istifadə bir çox insan üçün rahatlaşdırıcı vərdiş kimi görünə bilər, lakin mütəxəssislərin fikrincə, bu vərdiş ciddi sağlamlıq problemlərinə səbəb ola bilər. Bəs, tualetdə telefondan istifadənin sağlamlıq riskləri nələrdir?
Ucnoqta.az xarici mətbuata istinadən təfərrüatları təqdim edir.
Sağlamlıq problemləri ola bilər
Telefonunuzla tualetdə uzun müddət oturmaq hemoroid, anal çatlar və hətta düz bağırsağın anal deşikdən çıxdığı və potensial olaraq cərrahi müdaxilə tələb etdiyi rektal prolaps kimi rektal və anal problemlərə səbəb ola bilər.
Pis bir adət
Telefonla danışarkən tualetdə uzun müddət qalmaq çox pis vərdişdir. "Defekasiya zamanı telefona baxarkən uzun müddət tualetdə qalmaq düz bağırsağa və anusa təzyiq və ağrı yarada bilər. Bu, hemoroid (hemoroid), anal fissura (anus çatı) və düz bağırsağın prolapsasına səbəb olur" – məsələ ilə bağlı Dr. Saurabh Sethi deyib.
Əməliyyat tələb oluna bilər
Johns Hopkins Tibb Fakültəsi və Klivlend Klinikası anal çatların və hemoroidlərin çox ağrılı və təhlükəli olduğu barədə xəbərdarlıq edərkən, ən böyük problemin düz bağırsağın prolapsası olduğu ifadə edilir. Bundan başqa, Dr. Sethi mövzu ilə əlaqədar bu açıqlamaları verir:
"Ən ciddi olanı düz bağırsağın sallanmasıdır. Yetkinlərdə bunun müalicəsi üçün əməliyyat tələb oluna bilər".