ABŞ, Misir, Qətər və İsrail girovları azad etmək üçün razılaşma üzərində işləyəcək
Ucnoqta.az xarici mətbuata istinadən xəbər verir ki, bu barədə Amerika prezidenti Co Baydenin yazılı bəyanatında deyilir.
O, Qətər əmiri Şeyx Təmim bin Həməd əl Taniyə və Misir prezidenti Əbdülfəttah əs-Sisiyə bu razılaşmanın əldə edilməsində kritik liderlik və tərəfdaşlığa görə təşəkkür edib. "Mən bu liderlərin hər biri ilə danışmağı və yaxın təmasda qalmağı səbirsizliklə gözləyirəm, çünki biz bu sazişin tam şəkildə həyata keçirilməsini təmin etmək üçün çalışırıq. Bu müqavilənin bütün aspektlərinin tam şəkildə həyata keçirilməsi vacibdir" – prezident qeyd edib.
Qeyd edək ki, İsrail və HƏMAS nümayəndələri girovların azad edilməsi ilə bağlı ilkin razılığa gəliblər. İsrail hökuməti dörd gün ərzində Qəzza zolağından ən azı 50 girovun geri qaytarılmasını nəzərdə tutan planı təsdiqləyib.