“Bavariya” Maneni yayda satmaq istəyir

"Bavariya" Maneni təkcə komanda yoldaşı ilə davaya görə satmaq istəmir

Ucnoqta.az xəbər verir ki, bu barədə jurnalist Florian Plettenberq sosial şəbəkələrdə məlumat yayıb. Məlumata görə, futbolçu baş məşqçi Tomas Tuxelin planlarına daxil deyil.

“Tomas Tuxelin Mane ilə bağlı planları yoxdur, çünki futbolçu onun sisteminə uyğun deyil. Klub daxilində Mane çox tənqid olunur.

Manenin transferini səhv hesab edirlər, xüsusən də onun illik maaşının 20 milyon avrodan çox olduğunu nəzərə alsaq.

Xatırladaq ki, Mane ötən yay "Liverpul"dan "Bavariya"ya keçib. O, altı il İngiltərə komandasında çıxış edib. Mane bu mövsüm Bundesliqada 20 oyuna çıxıb və 6 qol vurub.