"Bavariya" Seneqallı hücumçu Sadio Manenin Çempionlar Liqasının 1/4 final mərhələsinin ilk oyununda "Mançester Siti"yə uduzduqdan sonra komanda yoldaşı Leroy Zane ilə döyüşdüyünə görə cəzalandırılacağını açıqlayıb.
Ucnoqta.az xəbər verir ki, bu barədə Almaniya klubunun rəsmi saytında dərc olunan bəyanatında deyilir.
“Sadio Mane “Hoffenhaym”la oyunda iştirak etməyəcək, çünki o, şənbə günü ev oyununda “Bavariya”nın heyətində yer almayacaq. Bu, onun “Mançester Siti” ilə görüşdən sonra qeyri-münasib davranışı ilə bağlıdır. Mane həmçinin cərimələnəcək”, – açıqlamada bildirilir.
Mətbuat Manenin səhv davranışına görə "Bavariya"nı tərk edə biləcəyini yazıb.
Mane ilə Zane oyun zamanı meydanda olarkən və matçdan sonra paltardəyişmə otağında mübahisə yaşanıb. Seneqallı futbolçu komanda yoldaşının sifətinə zərbə endirib.