Dünyada koronavirusdan ölənlərin sayı 2,3 milyonu ötüb

Dünyada yeni növ koronavirus (COVID-19) infeksiyasından ölənlərin sayı 2 300 187 nəfərə çatıb.

“Report” pandemiyanın statistikasını aparan Worldometer saytına istinadla xəbər verir ki, indiyədək dünyada koronavirus infeksiyasına 105 629 479 insan yoluxub. Eyni zamanda, 77 318 350 nəfər COVID-19 xəstəliyindən sağalıb, 26 milyona yaxın xəstənin müalicəsi davam edir.

Saytın son məlumatına əsasən, bu günədək COVID-19 səbəbindən ən çox ölüm halı ABŞ-da qeydə alınıb – 467 552 nəfər. Sonrakı yerləri Braziliya (229 097 nəfər), Meksika (169 922 nəfər), Hindistan (154 954 nəfər) və Böyük Britaniya (11 264) tutur.

Qeyd edək ki, mart ayının 11-də Ümumdünya Səhiyyə Təşkilatı yeni koronavirus infeksiyasının yayılmasını pandemiya elan edib.