"Taliban" qadınlara qarşı gözyaşardıcı qazdan istifadə etdi

"Taliban" tərəfdarları Əfqanıstanın paytaxtı Kabildə təşkil olunan etiraz aksiyasının iştirakçılarına qarşı gözyaşardıcı qazdan istifadə ediblər. "Report" xəbər verir ki, bu barədə Əfqanıstanın "Aamaj News" agentliyi məlumat yayıb. Bir qrup əfqan qadın "Taliban"ın tətbiq etdiyi məhdudiyyətlərə etiraz etmək üçün Kabil küçələrinə çıxıb. Nümayişçilər qanuni hüquqlarının təmin olunmasını tələb ediblər. Qeyd edək ki, "Taliban" hakimiyyətə gəldikdən sonra qadınlara müvəqqəti məhdudiyyətlər qoymağa başlayıb. Hərəkat 20 ilə yaxındır mövcud olan Qadın İşləri Nazirliyini ləğv edərək, onun əvəzinə İslami Müraciət Nazirliyini yaradıb. Bu, 1996-cı ildən 2001-ci ilə qədər fəaliyyət göstərən, əxlaq polisi funksiyaları ilə təchiz edilmiş orqanın analoqudur. Bundan əlavə, "Taliban" ölkənin əksər əyalətlərində qızların məktəblərə girişini məhdudlaşdırıb, qadın teleaparıcıları hicab taxmağa məcbur edib və yerli televiziyalara zərif cinsin nümayəndələrini göstərən filmləri nümayiş etdirməməyi tapşırıb.
Tarix
17 Yanvar 2022 [07:25]
Müəllif
Üç nöqtə
Digər xəbərlər
2022-01-17 07:25:07
Xəbər xətti
Foto
Video
Çox oxunanlar
Sorğu
İnternetin sürətindən razısınız?
 bəli
 xeyr
 qismən
 bilmirəm
Virtual Qarabağ

Ən son xəbərləri səhifəmizdən də izləyin