Bakıda ağır qəza- sürücü xəsarət alıb

Ötən gecə Bakının mərkəzində ağır yol qəzası baş verib.

Nərimanov rayonu ərazisində – metronun “Nəriman Nərimanov” stansiyasının üzərində “Mercedes” və "Hyundai" markalı iki minik avtomobili toqquşub. Əhməd Rəcəbli və Təbriz küçələrinin kəsişməsində – “Mado” restoranının önündə baş verən hadisə zamanı “Mercedes”in sürücüsü ağır xəsarət alıb.

Hadisə yerinə cəlb olunan Xüsusi Riskli Xilasetmə Xidmətinin müvafiq xilasetmə qüvvələri “Mercedes” markalı minik avtomobilinin sürücüsünü deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.

Əməliyyat başa çatıb.