0
Berlinin mərkəzində məscid binası və türk mədəni mərkəzinin yandırılması səbəbilə Türkiyə Almaniyaya ikinci dəfə nota göndərib.
Trend-in məlumatına görə, bunu Türkiyə XİN-in xüsusi nümayəndəsi Hami Aksoy deyib.
Aksoyun sözlərinə görə, Almaniya hələlik Türkiyənin etiraz notasına cavab verməyib.
Qeyd edək ki, birinci dəfə nota martın 12-də göndərilib.
Türkiyə Almaniyanı türk vətəndaşların təhlükəsizliyinə diqqətlə yanaşmağa və cinayətkarları məsuliyyətə cəlb etməyə çağırıb.
Məlumat üçün deyək ki, 2018-ci ilin əvvəlindən Almaniyada 28 məscidə hücum faktı qeydə alınıb. Ötən il ərzində isə ümumilikdə 100 məscidə hücum olub.